مجموعتي دقيقتين كلّمنا

سؤال لمدرّس خصوصي

إحنا بنبني حاجة للمدرّسين.
قول لنا لو هتفرق معاك.

تحت هتلاقي البرنامج بيعمل إيه، في أربع نقاط سهلين وواضحين. بعدها كام سؤال قصير عن شغلك. إجاباتك هتساعدنا نوصل لأحسن شكل ونتيجة ممكنة.

مفيش تسجيل، ومفيش إيميل. لو مش عايز تسيب رقمك، سيبه فاضي وخلاص.

ابدأ من هنا

البرنامج بيعمل إيه

أربع حاجات المدرّس بيعملها كل يوم — من غير ورق ومن غير مساعد.

الباب

كل طالب معاه كارت فيه كود. توجّه الكاميرا عليه، الكارت يتقرا، والعدّاد يزيد — ٣٠ طالب في أقل من دقيقتين. وبيشتغل من غير نت: الكشف بيتحفظ على الموبايل وبيترفع لوحده لما النت يرجع.

الفلوس

المصاريف بتتولد من المواعيد نفسها — بالشهر أو بالحصة — ماحدش بيكتبها بإيده. تسجّل الدفع يطلع إيصال، والباقي بيفضل مكتوب على الطالب حتى لو نقل مجموعة. وتعرف مين متأخر من غير ما تفتح كشكول.

ولي الأمر

ملخّص بعد الحصة، تنبيه بالمتأخرات، والنتيجة أول ما تتصحّح — كلها على الواتساب. وولي الأمر مايحمّلش أي حاجة: بيفتح لينك ويشوف ابنه — حضوره وفلوسه ودرجاته.

الدرجات

تطبع ورقة إجابة، الطالب يظلّل، وتصوّرها بالموبايل — والتصحيح بيتحسب لوحده. تشوف أضعف سؤال في الامتحان، ولو نموذج الإجابة نفسه غلط تصلّحه مرة وكل الورق يتصلّح معاه.

وإزاي تبدأ

  1. اعمل مجموعةاسمها وميعادها ومصاريفها. المواعيد بتولّد حصص الشهر لوحدها.
  2. الزق أسامي الطلابانسخ اللستة من أي مكان والزقها. بيقرا الاسم والرقم ومابيكررش حد.
  3. اطبع الكروتكارت لكل طالب، وبعد كده الكاميرا بتعمل الكشف.

بتدخل برقم موبايلك وكود على الواتساب — مفيش باسورد تنساه. وفي فترة التجربة البرنامج مجاني بالكامل للمدرسين اللي هيجرّبوه دلوقتي.

دلوقتي أسئلتنا

معظمها ضغطة واحدة. مفيش إجابة غلط، و«البرنامج ده مش هينفع معايا» إجابة مفيدة جدًا — دي بالظبط الحاجة اللي محتاجين نعرفها.

١ عنك
لطلبة أنهي سنة؟ تقدر تختار أكتر من واحدة
عندك كام طالب دلوقتي؟
فيه حد بيساعدك في الشغل الإداري؟
٢ شغلك دلوقتي
بتاخد الكشف إزاي النهارده؟
والفلوس — مين اللي بيحسب مين دفع ومين لأ؟
أكتر حاجة بتاخد من وقتك في الأسبوع؟ واحدة بس
في الشهر، تقريبًا بيضيع منك كام بسبب فلوس حد نسيها أو مجمعتهاش؟ لو مش متأكد سيب السؤال ده
ولي الأمر بيسألك على ابنه قد إيه؟
٣ رأيك في اللي فوق
من الأربعة اللي فوق، إيه اللي هتستخدمه أول أسبوع؟ واحدة بس
لو البرنامج جاهز بكرة، هتجرّبه على مجموعة حقيقية؟
إيه اللي ممكن يمنعك تستخدمه؟ تقدر تختار أكتر من واحدة
شايف البرنامج يكون باشتراك شهري ثابت ولا بنسبة عن كل طالب؟
لو اشتراك ثابت — شايف المفروض يكون كام في الشهر؟ حتى لو مش مختاره فوق، قول رأيك
ولو بنسبة — شايف تكون كام جنيه على كل طالب في الشهر؟

أي حاجة. حاجة ناقصة، حاجة غلط في التفكير، أو مشكلة بتقابلك كل أسبوع ومحدش عاملها حل. اكتبها بالبلدي زي ما هي.

٤ لو حابب نكلّمك

اختياري بالكامل. لو سبت رقمك هنبعت لك أول ما يبقى جاهز للتجربة، ومش هنستخدمه في أي حاجة تانية ولا هنديه لحد.

شكرًا إنك وصلت لحد هنا. الإجابات دي هي اللي بتحدد شكل البرنامج.

اللي بيبني مجموعتي مؤمن أبو العزم Moamen Aboelazm

مش لازم تملا الاستبيان أصلاً. لو تحب تقول رأيك بصوتك، أو عندك سؤال، أو عايز تجرّب البرنامج على مجموعة من بتوعك — كلّمني على طول.

واتساب 01554179457 اتصال عادي 01554179457

الرقم ده رقمي أنا شخصيًا، مش رقم شركة ولا سنترال. اللي بيرد هو مؤمن.